Capitán Bazofia + Trilitratre presentan “Viaje de fin de Novios”

Hai algo de sinfonía bizarra, de cantautor pocho, de mimo que fala, de banda sonora dunha película imaxinaria e, sobre todo, de comedia cantada. Nacho Vera, a quen quizá se identifique co infra- underground por ser batería de Rosvita, decidiu disfrazarse de superheroe trash e conseguiu articular un cancioneiro tan fóra de xéneros e sen prexuízos á hora de sentirse máis preto de teatro musical que do concerto prototípico.

Nacho Vera preséntase como Capitán Bazofia, o seu proxecto en solitario, con cancións que son unha especie de poema autoficcionado. En 2017 publicou “Ánimo”, “Animales”, e a mediados de febreiro de 2022 publica o seu segundo disco, “Viaje de fin de novios”, que presentará en directo en toda a península durante os próximos meses.

“Viaje de fin de novios” é unha guía pouco fiable para acabar ben unha relación sentimental. “Viaje de fin de novios” é un disco moi especial, cheo de colaboracións especiais, a máis destacable é a de Trilitrate, formación galega composta por violín, acordeón e guitarra española. Eles son capaces de mesturar e irradiar a súa tradición folk con infinidade de influencias que van desde o rock progresivo ao pop ou a banda sonora, e que enriquecen e deixan a súa potente pegada neste disco. Como o baixo eléctrico e contrabaixo de David Santos, outro galego. Outra colaboración moi especial, non galega pero moi desexada, é a de Albert Pla, fonte de inspiración á hora de escribir cancións. “Viaje de fin de novios” tamén é unha guía pouco fiable para empezar ben unha relación sentimental.

Nacho Vera: teclados, batería, voz.

Trilitrate: Elena Vázquez – violín, Rubén Abad – guitarra, Marcos Padrón – acordeón.

David Santos: contrabaixo e baixo eléctrico