Por definición, un lugar é espazo determinado capaz de acoller unha cousa calquera. O que nos permite caracterizar e distinguir un lugar de outro é precisamente a natureza do que contén (persoas, cousas, pensamentos) e os procesos e o tempo nos que foi constituído. Memoria, identidade, pertenza ou límite son algúns dos conceptos fundamentais que ligamos aos lugares e os dotan de sentido para nós.
De lugares e cousas é unha exposición que reflexiona, a través da arte contemporánea, sobre os símbolos, significados e sentidos cos que dotamos e construímos os lugares, e tamén sobre a relación da obra artística cos espazos que habita.
A través de 41 obras pertencentes aos fondos da Colección de Arte Banco Sabadell, De lugares e cousas trae ao Gaiás pezas dalgúns dos artistas contemporáneos e actuais máis relevantes de Galicia, España e tamén Portugal.
Referentes como Eduardo Chillida, Esther Ferrer, Antoni Tàpies, Isidoro Valcárcel Medina, José Pedro Croft ou Susana Solano, entre outros, están presentes canda pezas de Cristina Iglesias, Jaume Plensa, Dora García, Alicia Framis, Jordi Colomer ou David Bestué. Da parte galega, participan na mostra Manolo Paz, Ángela de la Cruz, Antón Patiño e Christian García Bello.
Tres xeracións de artistas
De lugares e cousas reúne tres xeracións de artistas, dos máis relevantes de Galicia, España e Portugal, cos que percorremos a evolución da arte contemporánea desde a segunda metade do século XX ata os nosos días.
Na mostra atopamos pezas de figuras fundamentais que abriron novos camiños na pintura, a escultura e a arte plástica. Pioneiros do informalismo e da abstracción, e tamén da arte conceptual: Antoni Tàpies, Jorge Oteiza, Isidoro Valcárcel-Medina, Eduardo Chillida, Esther Ferrer, Jorge Teixidor, Miquel Navarro, Ana Jotta, Antón Patiño e Sergi Aguilar.
A segunda xeración está composta por artistas nacidos maiormente entre finais dos 40 e dos 50. Atopamos aquí traballos que afondan na experimentación coa técnica e os materiais para crear propostas que reflexionan sobre a relación da arte coa literatura e a palabra, os medios de comunicación de masas, a natureza ou a arquitectura, realizadas por Txomin Badiola, Manolo Paz, Susana Solano, Jaume Plensa, Pedro Cabrita Reis, Cristina Iglesias, Juan Ulsé, Pep Durán, José Pedro Croft, Ignasi Aballí, Montserrat Soto e Lluis Hortalà.
Rematamos o noso percorrido coas creacións de artistas nacidos a partir da década dos 60 que continúan a exploración fóra dos límites, tanto da obra artística como da súa relación co espazo de exhibición: Mar Arza, Irma Álvarez-Laviada, Alicia Framis, José Dávila, Ángela de la Cruz, Alberto Peral, Dora García, Itziar Okariz, Oriol Vilapuig, Mateo Maté, Jordi Colomer, David Bestué, Christian García Bello e Teresa Solar Abboud.
Arte en relación
Nesta exploración da relación simbólica da arte en relación cos obxectos e cos lugares, a arquitectura, a natureza e a cidade están moi presentes ao longo de toda a mostra. Así, atopamos en De lugares e cousas obras que reflexionan sobre os espazos urbanos —Maravillas e Prototipos (2), de Jordi Colomer—, que empregan elementos arquitectónicos para dotalos dun novo sentido —La habitación de la arquitectura prohibida, de Alicia Framis—, e outras que traballan a partir de elementos naturais como materia prima ou obxecto de representación. Isto último vémolo, por exemplo, na estrutura de panal en madeira de Vértigo, de Manolo Paz ou en Phreatic Zones Studi IV, de Cristina Iglesias, onde o cobre recrea a idea dos acuíferos.
Outro elemento común en varios dos artistas que compoñen a mostra é o traballo en relación coa escrita, a literatura e a poesía. A modo de exemplo temos a escultura We, de Jaume Plensa, composta por letras realizadas con oito alfabetos distintos que permiten construír, a pesar da disparidade lingüística, unha figura única, reflexiva e transparente. Dora García, Ignasi Aballí e Mar Arza son outras dúas artistas que traballan con palabras, fragmentos de libros e referencias literarias para construír mundos poéticos e visuais.
Por último, hai en De lugares e cousas unha corrente adicional na que a obra fai evidente a construción dunha relación co propio feito artístico, ben con autoras, autores e movementos anteriores ben coa sociedade na que se inscribe e como esta percibe a arte contemporánea. David Bestué, Ana Jotta, Irma Álvarez-Laviada, José Dávila ou Isidoro Valcárcel Medina son algúns exemplos de creadores que traballan nesta liña. Pezas reflexivas, irónicas, humorísticas incluso, que revisan a modernidade da escultura e da pintura e o seu papel na sociedade actual.
Colección de Arte Banco Sabadell
A Colección de Arte Banco Sabadell foise ampliando ao ritmo do crecemento do banco. A maioría das obras son actuais e, como é habitual, foron adquiridas pola súa calidade artística, o seu valor innovador e o que poidan supoñer de investimento, ademais do seu valor decorativo. En tal sentido, cómpre lembrar que unha das cuestións que a singularizan é, precisamente, a función de decoración dos espazos de traballo e de relación cos clientes e os accionistas do banco. Daquela, valores e estética conxúganse para se converter nun elemento destacado da imaxe e da marca Banco Sabadell.
Unha das súas accións especiais enmarcadas no II Encontro do Viño Galego Revera Vinum é Galicia en Copas, no que participarán máis dunha vintena de establecementos hostaleiros, e as Catas e Ceas Maridaxe, ambas previstas do 17 ao 31 de marzo.
Neste senso cabe destacar que a idea é reforzar a relación entre as adegas participantes e os establecementos de hostalaría, repartidos tanto polo Casco Histórico como polo Ensanche compostelán. Cada cliente dispoñerá dunha tarxeta na que poderá ir selando a visita ao local no que consuma, e entrar no sorteo de diferentes agasallos, entre eles cinco noites con almorzo en locais de turismo rural, 25 visitas a adegas de Galicia e varios lotes de viños.
E precisamente será nalgúns destes mesmos locais onde se celebren tamén catas e ceas maridaxe co fin de promover a gastronomía e a riqueza dos seus produtos.
O concelleiro de Turismo, Sindo Guinarte, e o presidente da Orde da Uña, Fernando Neira, presentaron o programa da Festa da Uña, unha celebración con gran tradición en Santiago, que é ademais unha das festas gastronómicas máis antigas de Galicia. A Festa celebrarase do venres 24 ao luns 27 de marzo, cando terá lugar a tradicional poxa das uñas. Este prato tradicional prato poderá degustarse case nunha trintena de restaurantes do barrio e do resto de Santiago.
Vinte e sete restaurantes, do barrio de San Lázaro pero tamén doutros barrios, ofrecerán durante estes días as súas versións do tradicional prato das Uñas, que adoitan acompañarse de bertóns, patacas e chourizo. Con esta cifra, o número de restaurantes continúa subindo ano tras ano, xa que no 2022 foron 23 e 21 no 2019, antes do parón xerado pola Covid-19.
Dende a Orde da Uña, asociación gastronómica cultural organizadora da Festa, este ano queren facer unha homenaxe especial a tres músicos do barrio falecidos nos últimos anos: Bartolo, Pascual e Antonio “o Petelo”, dedicándolles o “Día de Foliada” o domingo 26 de marzo. Os tres foron persoas moi coñecidas e queridas en San Lázaro, e aprendéronlle o amor pola música galega tanto aos rapaces da veciñanza como de todo Santiago. A eles está dedicada a gráfica deste ano.
O programa lúdico-festivo comezará o sábado 25 de marzo pola mañá, aínda que a maioría dos restaurantes xa ofrecerán dende a noite anterior o tradicional prato das Uñas. Durante toda a fin de semana sucederanse as actividades no barrio, con actuacións musicais, orquestras, atraccións e a procesión do domingo.
A Festa rematará na noite do luns 27, coa orquestra París de Noia. Pero antes, pola mañá, realizarase a tradicional poxa das uñas, que remonta ás súas orixes a cando se instaurou na entrada norte da vila o lazareto para a atención de persoas coa enfermidade da lepra. Os familiares dos enfermos ofrecían as uñas dos porcos ao Santo para que velara por eles e lle dera saúde o aos cochos que criarían para o vindeiro ano.
O programa completo da Festa da Uña, así como o listado de restaurantes que ofrecen o tradicional prato da Uña, pode consultarse tanto no folleto de Semana Santa editado conxuntamente por Turismo de Santiago e a Xunta de Confrarías como na páxina web santiagoturismo.com.
Padrón acolle os días 17, 18 e 19 e 24, 25 e 26 de marzo as IX Xornadas Gastronómicas da Lamprea.
Cinco restaurantes ofrecerán cinco menús diferentes elaborados con este manxar a un prezo común de 40 € por persoa (previa reserva).
Os locais participantes son Casa Farrucán, Restaurante O Secreto, O Santiaguiño, Bar Manolo – A Taberna da Matanza e Pulpería Rial.
Ademais, desenvolveranse as seguintes actividades:
O Centro Dramático Galego, a unidade de produción teatral da Xunta de Galicia, volve á obra de Shakespeare no arranque de 2023 e faino dun xeito moi singular: catro pezas do bardo inglés con dramaturxias galegas actuais e cinco directores e directoras de escena para asumir o reto da posta en pé desta produción nun escenario excepcional: o Salón Nobre do Colexio de Fonseca.
O xenial dramaturgo británico achegouse en catro ocasións ao mundo clásico a través dos textos Tito Andrónico, Xulio César, Antonio e Cleopatra e Coriolano, escritos entre 1594 e 1609 e nos que sitúa a acción no Imperio Romano para, desde o seu tempo, reflexionar sobre o poder.
Así, o espectáculo Shakespeare en Roma nace como unha oportunidade para unir tres momentos da historia: o presente, o período isabelino e a Roma clásica a través da guerra, a violencia e a loita polo dominio que guían o destino dos personaxes. Iso, como fondo, porque na forma, despois dos traballos dramatúrxicos de Volodymir Snegurchenko, Ana Carreira, Ana Abad de Larriva e Lorena Conde, resultan versións que condensan en 35 minutos cada unha das obras orixinais, nun proceso de reescrita que pon ademais o foco nalgúns interesantes personaxes secundarios.
O talento da nómina de dirección, conformada por Rui Madeira para Coriolano, María Barcala e Xúlio Lago para Xulio César, Sara Rey para Antonio e Cleopatra e Quico Cadaval para Tito Andrónico, suma a súa pegada desde traxectorias e métodos de traballo diferentes. E a esta dinámica únese a interpretación do mesmo elenco dos oito actores e actrices presentes nos catro títulos: Xurxo Cortázar, Sheyla Fariña, Cris Iglesias, Rebeca Montero, Marcos Orsi, Fran Peleteiro, Santi Romay e Toni Salgado. O vestiario de Saturna e o espazo sonoro de Xosé Lois Romero son tamén elementos moi importantes do espectáculo.
Grazas á colaboración no proxecto da Universidade de Santiago de Compostela, o resultado desta proposta pódese ver no Salón Nobre de Fonseca, o emblemático edificio que xa albergou os ensaios e que fará o propio con todas as funcións, nunha posta en escena de proximidade na que o público ocupará practicamente o mesmo espazo que os protagonistas destas traxedias de poder, amor e vinganza.
Do 9 de febreiro ao 2 de abril, con pases de mércores a domingo ás 19.00 horas.
Localidades á venda en ataquilla.com e no despacho de billetes habilitado no compostelán Pazo de Fonseca (praza de Fonseca s/n).
Ainé Producións presentou no Museo das Peregrinacións de Santiago de Compostela o seu novo espectáculo Códice K. A obra de teatro é unha comedia que narra a historia extraoficial do roubo do prezado Códice Calixtino, exposto no Catedral de Santiago, a través das mulleres que a circunvalaron para contrarrestar unha historia real na que non hai máis ca homes: o electricista, o deán, o xuíz, os curas, e mesmo o arcebispo.
Códice K conta con dramaturxia de Manuel Cortés e a dirección de Tito Asorey e Noemi Rodríguez. Sobre o escenario, Lucía Veiga, Marita Martínez, Graciela Carlos e Patricia Castrillón meteranse na pel das múltiples personaxes femininas para descubrirlle ao público unha historia con diferentes puntos de vista. As catro actrices estarán acompañadas en escena pola dj e produtora Russ, quen se encargará da música e ambientación en directo.
O director, Tito Asorey, destacou a importancia de facer un teatro apegado á realidade no que a sociedade se poida ver reflectida. O roubo do códice tivo para o director ourensán moitos dos matices que nos definen como sociedade. Pola súa banda, Manuel Cortés, comentou a importancia de atopar comedia na vida e que ese ano que pasou desde a desaparición do Códice Calixtino até a súa recuperación estivo chea de comedia, achegándonos a un universo case berlanguiano.
Lucía Veiga, unha das protagonistas desta peza, incidiu na importancia das actrices no proceso de creación deste espectáculo, no que os textos configuráronse logo duns procesos previos de ensaios e improvisacións. O director do Auditorio de Santiago, Xaquín López, destacou a importancia de estrear en Santiago un espectáculo das características de Códice K, no marco da programación teatral desta temporada, facéndoo ademais no “teatro máis próximo á Catedral de Santiago”.
A nova produción de Ainé conta coa axuda da Axencia Galega das Industrias Culturais a través do seu programa de Subvencións á Creación Escénica. Jacobo Sutil, director da Agadic, salientou que “o nacemento dun novo proxecto cultural sempre é unha gran noticia para Galicia”, recoñecendo tamén a importancia de que os teatros acollan os procesos de residencia previos ás creacións dos textos definitivos.
A peza de teatro estrearase o vindeiro 24 de marzo no Teatro Principal de Compostela, onde terá unha segunda función o sábado 25 de marzo. As entradas para os dous días xa están á venda en codicek.gal.
Sobre o espectáculo
En xullo de 2011 desaparece o Códice Calixtino. En xullo de 2012, xusto un ano despois, a policía recupera o libro, agochado nun garaxe. Que pasou en todo ese tempo? Investigacións, sospeitas, seguimentos, interrogatorios… Iso é Códice K: o que non se sabe porque nunca se contou. Códice K, o máis grande “true crime“ da historia de Galicia.
Padrón acolle os días 17, 18 e 19 e 24, 25 e 26 de marzo as IX Xornadas Gastronómicas da Lamprea.
Cinco restaurantes ofrecerán cinco menús diferentes elaborados con este manxar a un prezo común de 40 € por persoa (previa reserva).
Os locais participantes son Casa Farrucán, Restaurante O Secreto, O Santiaguiño, Bar Manolo – A Taberna da Matanza e Pulpería Rial.
Ademais, desenvolveranse as seguintes actividades:
O Centro Dramático Galego, a unidade de produción teatral da Xunta de Galicia, volve á obra de Shakespeare no arranque de 2023 e faino dun xeito moi singular: catro pezas do bardo inglés con dramaturxias galegas actuais e cinco directores e directoras de escena para asumir o reto da posta en pé desta produción nun escenario excepcional: o Salón Nobre do Colexio de Fonseca.
O xenial dramaturgo británico achegouse en catro ocasións ao mundo clásico a través dos textos Tito Andrónico, Xulio César, Antonio e Cleopatra e Coriolano, escritos entre 1594 e 1609 e nos que sitúa a acción no Imperio Romano para, desde o seu tempo, reflexionar sobre o poder.
Así, o espectáculo Shakespeare en Roma nace como unha oportunidade para unir tres momentos da historia: o presente, o período isabelino e a Roma clásica a través da guerra, a violencia e a loita polo dominio que guían o destino dos personaxes. Iso, como fondo, porque na forma, despois dos traballos dramatúrxicos de Volodymir Snegurchenko, Ana Carreira, Ana Abad de Larriva e Lorena Conde, resultan versións que condensan en 35 minutos cada unha das obras orixinais, nun proceso de reescrita que pon ademais o foco nalgúns interesantes personaxes secundarios.
O talento da nómina de dirección, conformada por Rui Madeira para Coriolano, María Barcala e Xúlio Lago para Xulio César, Sara Rey para Antonio e Cleopatra e Quico Cadaval para Tito Andrónico, suma a súa pegada desde traxectorias e métodos de traballo diferentes. E a esta dinámica únese a interpretación do mesmo elenco dos oito actores e actrices presentes nos catro títulos: Xurxo Cortázar, Sheyla Fariña, Cris Iglesias, Rebeca Montero, Marcos Orsi, Fran Peleteiro, Santi Romay e Toni Salgado. O vestiario de Saturna e o espazo sonoro de Xosé Lois Romero son tamén elementos moi importantes do espectáculo.
Grazas á colaboración no proxecto da Universidade de Santiago de Compostela, o resultado desta proposta pódese ver no Salón Nobre de Fonseca, o emblemático edificio que xa albergou os ensaios e que fará o propio con todas as funcións, nunha posta en escena de proximidade na que o público ocupará practicamente o mesmo espazo que os protagonistas destas traxedias de poder, amor e vinganza.
Do 9 de febreiro ao 2 de abril, con pases de mércores a domingo ás 19.00 horas.
Localidades á venda en ataquilla.com e no despacho de billetes habilitado no compostelán Pazo de Fonseca (praza de Fonseca s/n).
Ainé Producións presentou no Museo das Peregrinacións de Santiago de Compostela o seu novo espectáculo Códice K. A obra de teatro é unha comedia que narra a historia extraoficial do roubo do prezado Códice Calixtino, exposto no Catedral de Santiago, a través das mulleres que a circunvalaron para contrarrestar unha historia real na que non hai máis ca homes: o electricista, o deán, o xuíz, os curas, e mesmo o arcebispo.
Códice K conta con dramaturxia de Manuel Cortés e a dirección de Tito Asorey e Noemi Rodríguez. Sobre o escenario, Lucía Veiga, Marita Martínez, Graciela Carlos e Patricia Castrillón meteranse na pel das múltiples personaxes femininas para descubrirlle ao público unha historia con diferentes puntos de vista. As catro actrices estarán acompañadas en escena pola dj e produtora Russ, quen se encargará da música e ambientación en directo.
O director, Tito Asorey, destacou a importancia de facer un teatro apegado á realidade no que a sociedade se poida ver reflectida. O roubo do códice tivo para o director ourensán moitos dos matices que nos definen como sociedade. Pola súa banda, Manuel Cortés, comentou a importancia de atopar comedia na vida e que ese ano que pasou desde a desaparición do Códice Calixtino até a súa recuperación estivo chea de comedia, achegándonos a un universo case berlanguiano.
Lucía Veiga, unha das protagonistas desta peza, incidiu na importancia das actrices no proceso de creación deste espectáculo, no que os textos configuráronse logo duns procesos previos de ensaios e improvisacións. O director do Auditorio de Santiago, Xaquín López, destacou a importancia de estrear en Santiago un espectáculo das características de Códice K, no marco da programación teatral desta temporada, facéndoo ademais no “teatro máis próximo á Catedral de Santiago”.
A nova produción de Ainé conta coa axuda da Axencia Galega das Industrias Culturais a través do seu programa de Subvencións á Creación Escénica. Jacobo Sutil, director da Agadic, salientou que “o nacemento dun novo proxecto cultural sempre é unha gran noticia para Galicia”, recoñecendo tamén a importancia de que os teatros acollan os procesos de residencia previos ás creacións dos textos definitivos.
A peza de teatro estrearase o vindeiro 24 de marzo no Teatro Principal de Compostela, onde terá unha segunda función o sábado 25 de marzo. As entradas para os dous días xa están á venda en codicek.gal.
Sobre o espectáculo
En xullo de 2011 desaparece o Códice Calixtino. En xullo de 2012, xusto un ano despois, a policía recupera o libro, agochado nun garaxe. Que pasou en todo ese tempo? Investigacións, sospeitas, seguimentos, interrogatorios… Iso é Códice K: o que non se sabe porque nunca se contou. Códice K, o máis grande “true crime“ da historia de Galicia.