Axenda
O concelleiro da Área de Fomento e Promoción da Coruña, Gonzalo Castro, presentou a programación do Ciclo Principal de Primavera 2024 do Teatro Rosalía de Castro, que inclúe un total de doce espectáculos que terán lugar entre o venres 19 de xaneiro e o sábado 25 de maio.
Castro, acompañado polo director do Teatro Rosalía de Castro, Paulo Rodríguez, puxo en valor “o traballo que se leva desde hai anos no Rosalía, que ten conseguido ser un referente a nivel estatal, cunha programación continuada que alberga moitísimos estilos e unha actividade moi recoñecida. Disto dá mostra o feito de que se teña batido o récord de abonados para este Ciclo”.
‘La Celestina’, con Anabel Alonso, abre a programación a mediados de xaneiro
O Ciclo Principal de Primavera 2024 abrirase cunha viaxe aos últimos anos do século XV, coa recuperación dunha obra clásica de la literatura española como é a traxicomedia ‘La Celestina‘, de Fernando de Rojas. Eduardo Galán é o autor desta adaptación teatral, dirixida por Antonio C. Guijosa e na que Anabel Alonso representa á alcaiota que consegue, mediante artimañas, que Melibea (Claudia Taboada) namore de Calisto (Víctor Sainz).
Entre os títulos da programación, Paulo Rodríguez destacou especialmente a adaptación e dirección de versión executada por Declan Donellan dun clásico de Calderón de la Barca, ‘La vida es sueño‘, “un dos pratos fortes da programación”, protagonizados por Ernesto Arias e Prince Ezeanyim. Chegará ao Teatro Rosalía de Castro os días 23 e 24 de febreiro.
Ademais, o público asistente tamén poderá disfrutar de pezas como ‘El padre‘, con José María Pou, e cunha coprodución de Chévere, o Centro Dramático Nacional e Teatre Lliure, ‘Helen Keller, a muller marabilla?‘, inspirada na primeira persoa xordocega en obter un título universitario no ano 1904. Integran o elenco Patricia de Lorenzo, Ángela Ibáñez e Chusa Pérez.
Haberá tempo, ademais, para achegarse á historia de Nevenka Fernández, a muller que en 2001, e por primeira vez na historia de España, gañou un xuízo por acoso sexual a un político, sentando a un alcalde no banco dos acusados. Gema Matarranz, Ales Furundarena e Marta Megías son as e os grandes protagonistas da obra, dirixida por María Goiricelaya. Haberá dúas xornadas sobre as táboas: os días 8 e 9 de marzo.
O Ciclo Principal de Primavera 2024 pecharase os días 24 e 25 de maio con ‘El traje‘, un espectáculo teatral dirixido por Juan Cavestany e interpretado por Javier Gutiérrez e Luís Bermejo.
CONSULTA AQUÍ O PROGRAMA COMPLETO.
A alcaldesa da Coruña, Inés Rey, presentou no Teatro Colón o ciclo ‘As mellores películas da historia’, que traerá á cidade a proxección en versión orixinal con subtítulos e en formato de 35 milímetros de seis dos considerados mellores filmes da historia pola prestixiosa publicación británica Sight & Sound. A rexedora estivo acompañada por Javier Trigales, coordinador do ciclo.
“Seguro que moitos coruñeses e coruñesas lembran este espazo como unha gran sala de cine e desde o Concello da Coruña quixemos devolverlles ese recordo e que mellor que coas consideradas mellores películas de todos os tempos”, sinalou a alcaldesa. Ademais da proxección de seis películas entre xaneiro e xuño, haberá un coloquio posterior con recoñecidas personalidades do eido cultural, cinematográfico, xornalístico, académico ou co propio autor da obra.
“Un ano máis, continuamos enriquecendo a programación deste Teatro Colón, enchéndoo de variedade e calidade. A cidadanía non só poderá ver ou revisionar grandes clásicos, senón que tamén poderá analizalos da man de grandes expertos e expertas”, apuntou a alcaldesa.
O ciclo comezará con ‘El apartamento’, de Billy Wilder, o 11 de xaneiro, contando coa escritora e cineasta Elvira Lindo como convidada especial. O 15 de febreiro será a quenda de ‘Al final de la escapada’, un dos grandes filmes da “nouvelle vague” francesa, obra de Jean-Luc Godard. Estará presente o cineasta, profesor e escritor especializado no director francés Paulino Viota como convidado. No 2022 Viota publicou o libro ‘Jean-Luc Godard. 60 años insumiso’.
O 14 de marzo chegará ao Colón a terceira mellor película da historia segundo o ránking de Sight & Sound: ‘Ciudadano Kane’, de Orson Welles. Estará presente outro experto do creador da película, neste caso co director da Filmoteca de Catalunya, Esteve Riambau.
O 11 de abril será a quenda de ‘El piano’, de Jane Campion. A convidada neste caso será Jaione Camborda, cineasta que acaba de facer historia no festival de San Sebastián, onde gañou a Cuncha de Ouro por ‘O Corno’, película gravada en galego. “Camborda converteuse na primeira muller en conseguir este galardón e será unha honra a súa presenza neste ciclo, pois aínda que cada vez as mulleres teñen máis espazo no ámbito creativo, continúa habendo grandes diferenzas de xénero na industria cinematográfica”, apuntou Inés Rey.
O 23 de maio proxectarase a gran película do suspense: ‘Psicosis’, de Alfred Hitchcock. O convidado especial será Paco Plaza, autor dalgunhas das grandes obras nacionais de terror do século XXI. Por último, pecharase o ciclo de xeito moi especial, con ‘El espíritu de la colmena’, de Víctor Erice o 13 de xuño. Para a clausura está previsto contar co propio cineasta ou coa actriz Ana Torrent.
A alcaldesa da Coruña, Inés Rey, presentou no Teatro Colón o ciclo ‘As mellores películas da historia’, que traerá á cidade a proxección en versión orixinal con subtítulos e en formato de 35 milímetros de seis dos considerados mellores filmes da historia pola prestixiosa publicación británica Sight & Sound. A rexedora estivo acompañada por Javier Trigales, coordinador do ciclo.
“Seguro que moitos coruñeses e coruñesas lembran este espazo como unha gran sala de cine e desde o Concello da Coruña quixemos devolverlles ese recordo e que mellor que coas consideradas mellores películas de todos os tempos”, sinalou a alcaldesa. Ademais da proxección de seis películas entre xaneiro e xuño, haberá un coloquio posterior con recoñecidas personalidades do eido cultural, cinematográfico, xornalístico, académico ou co propio autor da obra.
“Un ano máis, continuamos enriquecendo a programación deste Teatro Colón, enchéndoo de variedade e calidade. A cidadanía non só poderá ver ou revisionar grandes clásicos, senón que tamén poderá analizalos da man de grandes expertos e expertas”, apuntou a alcaldesa.
O ciclo comezará con ‘El apartamento’, de Billy Wilder, o 11 de xaneiro, contando coa escritora e cineasta Elvira Lindo como convidada especial. O 15 de febreiro será a quenda de ‘Al final de la escapada’, un dos grandes filmes da “nouvelle vague” francesa, obra de Jean-Luc Godard. Estará presente o cineasta, profesor e escritor especializado no director francés Paulino Viota como convidado. No 2022 Viota publicou o libro ‘Jean-Luc Godard. 60 años insumiso’.
O 14 de marzo chegará ao Colón a terceira mellor película da historia segundo o ránking de Sight & Sound: ‘Ciudadano Kane’, de Orson Welles. Estará presente outro experto do creador da película, neste caso co director da Filmoteca de Catalunya, Esteve Riambau.
O 11 de abril será a quenda de ‘El piano’, de Jane Campion. A convidada neste caso será Jaione Camborda, cineasta que acaba de facer historia no festival de San Sebastián, onde gañou a Cuncha de Ouro por ‘O Corno’, película gravada en galego. “Camborda converteuse na primeira muller en conseguir este galardón e será unha honra a súa presenza neste ciclo, pois aínda que cada vez as mulleres teñen máis espazo no ámbito creativo, continúa habendo grandes diferenzas de xénero na industria cinematográfica”, apuntou Inés Rey.
O 23 de maio proxectarase a gran película do suspense: ‘Psicosis’, de Alfred Hitchcock. O convidado especial será Paco Plaza, autor dalgunhas das grandes obras nacionais de terror do século XXI. Por último, pecharase o ciclo de xeito moi especial, con ‘El espíritu de la colmena’, de Víctor Erice o 13 de xuño. Para a clausura está previsto contar co propio cineasta ou coa actriz Ana Torrent.
Morriña Festival celebrará a súa cuarta edición os próximos 26 e 27 de xullo de 2024 na Coruña cun cartel que “xuntará ao mellor de diferentes xéneros musicais a nivel nacional e internacional”. A alcaldesa, Inés Rey, presentou a primeira lista de confirmacións para o evento, que contará con Aitana, Louis Tomlinson, Yandel, Dani Fernández ou Sen Senra, entre outros. A rexedora estivo acompañada no acto por Gonzalo Castro, concelleiro responsable da Área de Fomento a Promoción da Cidade. Tamén interviron Antonio Casas, xerente de Turismo de Galicia; Joaquín Martínez Inchausti, Marketing Manager de Estrella Galicia; e Esteban Girón, xefe de prensa de Morriña Festival. Tamén estivo presente Ramón Castro en representación da Autoridade Portuaria da Coruña.
“Xa non se entende o verán coruñés sen o Morriña, un festival que nas súas dúas edicións anteriores congregou a unhas 50.000 persoas no estadio de Riazor e 40.000 no Porto”, apuntou a alcaldesa, que tamén explicou que o retorno económico para a cidade das anteriores edición foi de arredor de 25 millóns de euros. “Durante dúas xornadas, a cidade paralízase por este festival, que supón un importantísimo retorno económico para os coruñeses e coruñesas, as empresas locais, a hostalería e os hoteis”, dixo.
Aitana, será unha das grandes cabezas de cartel do festival coruñés. A artista conta con millóns de fans en España e América Latina. Louis Tomlinson tamén será outro dos grandes nomes de Morriña Festival. O membro de One Direction é unha das estrelas pop máis importantes de todo o mundo e estará a presentar na Coruña o seu segundo disco en solitario ‘Faith In The Future’.
Por outra banda, Yandel traerá de novo ao Morriña Festival os sons característicos da música de Porto Rico. Trátase dun dos cantantes máis importantes da música latina en todo o século XXI. Nicki Nicole tamén estará no festival coruñés, sendo unha das grandes artistas mundiais da música urbana. Outro dos artistas confirmados é Dani Fernández, que conta con grandes éxitos como ‘Bailemos’ ou ‘Clima Tropical’.
Tamén estará no Morriña Festival La La Love You, un dos grandes fenómenos da música pop nacional que arrasa con éxitos como ‘El fin del mundo’. No 2024 volverá a actuar na cidade o artista galego Sen Senra, tras o seu paso polo ciclo Noites do Porto 2023.
Tamén estará no Morriña Festival Marlena, o dúo pop español procedente de Madrid que participará no Benidorm Fest. Completan esta primeira quenda de confirmacións Dorian, Enol, Malmö040, Yeico x Toni, Garabatto, Dollar Selmouni e Trashi. Nas vindeiras semanas serán anunciados máis artistas para este evento.
Os abonos para as dúas xornadas sairán á venda o vindeiro martes 23 de xaneiro ás 13.00 horas a un prezo a partir de 69 euros. Cando se complete o cartel e se anuncie o programa por días poñeranse, ademais, entradas de día á venda.
O Concello da Coruña promove este festival de gran formato, que xa celebrou dúas edicións na cidade cun gran éxito de asistencia e retorno económico. “Morriña Festival será de novo unha das grandes citas coa música en directo non só de Galicia senón do país”, indicou Inés Rey, que destacou a calidade da programación cultural da Coruña, a mellor valorada de Galicia e unha das máis importantes do norte do país.