Volve ‘Galicia Escena PRO’
Do 25 ao 28 de maio. Son as datas de celebración de Galicia Escena PRO 2026. O mercado galego de artes escénicas que ten como prioridade dinamizar a contratación de espectáculos de produción galega por parte de axentes profesionais acreditados. Mais tamén, un ano máis, quere ser un escaparate compartido con todo o público sobre o moito e bo que se está a facer en Galicia neste ámbito.
Galicia Escena PRO presentará durante catro intensos días unha selección de 32 espectáculos e proxectos de produción galega, ademais doutras propostas procedentes de Madrid e Valencia. Será unha panorámica plural en canto a xéneros, formatos, estilos e linguaxes que combina, ademais, a participación de compañías consolidadas con formacións e autorías de recente creación.
Mentres que unha parte do programa diario está reservado ás persoas acreditadas (coloquios, pitchings, pases matinais infantís, reunións de negocio...), a carteleira artística que se ofrece en horario de tarde ábrese a toda a cidadanía. Será mediante a posta a disposición de convites por parte da organización para a asistencia de balde ás representacións que este ano terán lugar no Auditorio Abanca, Salón Teatro, Teatro Principal, CGAC e sede da SGAE, así como noutros espazos ao aire libre.
Espectáculos con acceso a público xeral
LUNS 25
Transparentar Enésima
16.30 + Centro Galego de Arte Contemporánea
Diz-me, meu amor Raquel Ferradás & María de Vicente
18.00 + Praza de Mazarelos
Artur Ui, o ovo da serpe Talía Teatro
18.30 + Teatro Principal
BenQuerer Fran Sieira, compañía de danza
20.30 + Salón Teatro
MARTES 26
Alén Colectivo Glovo
16.30 + Salón Teatro
Quema Sen patrón
Cía. Jacob Gómez Pistacatro Productora de Soños
18.30 + Praza da Quintana
Bio Construción Ibuprofeno Teatro
20.30 + Teatro Principal
MÉRCORES 27
Manual de patronaxe Teatro do Noroeste
16.30 + Teatro Principal
Ninguén tira fotos nos enterros
Carlota e Compañía
18.30 + Salón Teatro
52-BLAU iXa
20.30 + Fundación SGAE
XOVES 28
Mofa&Befa: Os dous de sempre
Producións Teatrais Excéntricas
16.30 + Salón Teatro
Xoguetes rotos + Barrosanta e ButacaZero
18.30 + Teatro Principal
* O público xeral pode acceder de xeito gratuíto aos espectáculos (máximo de 2 convites), previa retirada das entradas dispoñibles no Museo das Peregrinacións e de Santiago, sede da Zona PRO, de 9:00 a 14:00 h. e de 16:00 a 19:00 h, entre o 25 e o 28 de maio.
+INFO galiciaescenapro.gal
