Elena Ferro: “Antes a xente avergoñábase dos zocos pero hoxe sacámoslles un sorriso”
No 2019 Elena Ferro gañou o Premio Nacional de Artesanía, un recoñecemento que adicou ás labregas e labregos. "Antes moita xente avergoñábase de usar zocos porque era o calzado da xente máis humilde. Agora sacámoslles un sorriso. Este premio di que estamos aquí, que os zocos non morreron", cóntanos na que é a nosa última 'Entrevista con Xeito'.
Fai tres meses que comezamos este especial con artesáns e artesás que contan coa marca de Artesanía de Galicia. Sesenta días nos que pouco a pouco demos a coñecer o traballo feito a man de decenas de profesionais. E que mellor maneira de rematar que coa premiada eferro.
![](https://revistapincha.gal/wp-content/uploads/2020/08/Bailarinaweb.jpg)
![](https://revistapincha.gal/wp-content/uploads/2020/08/zocosweb.jpg)
![](https://revistapincha.gal/wp-content/uploads/2020/08/44369374_1798374376942014_1907028293320704000_n-e1597389365810.jpg)
![](https://revistapincha.gal/wp-content/uploads/2020/08/106986885_2947462435366530_7715708130997978934_o.jpg)
No seu taller en Merza (Vila de Cruces) elabora distintos modelos de zocos nos que, respectando as dúas funcións máis importantes do zoco tradicional -que sexan quentes e que non pasen a auga- crea numerosas posibilidades con cores, formas... "O máis importante de calquera calzado é que sexa cómodo pero tamén ten que ser atractivo á vista", opina Elena. Se queres saber como é o seu xeito de traballar, dálle ao play no seguinte vídeo! 🙂