A provincia da Coruña prepárase para celebrar a penúltima Cea Secreta deste ano
As Ceas Secretas achéganse ao final desta edición e están a preparar un evento que promete ser un dos máis exclusivos celebrados ata o momento.
A próxima noite máxica será o 11 de xullo nalgún lugar espectacular da provincia da Coruña. Por primeira vez, estas ceas ofrecerán unha cota única de entradas que incluirá o aloxamento. Tan só 10 das 30 entradas que sairán á venda terán a posibilidade de quedar a durmir nun lugar idílico.
Ata o día da cea, todo é un absoluto segredo. Os asistentes só saben a data e a provincia. Unha vez adquiran a súa entrada, irán chegando indicacións. O mesmo día da cea, a través de WhatsApp, fanlles chegar a localización e hora na que comezará esta máxica experiencia.
Durante a velada, queda prohibido mirar o reloxo, para saborear sen présa, as incribles propostas dos Chef Alhambra máis vangardistas que elaboran deliciosos menús con produtos de proximidade de primeira calidade (Fresco & del Mar, A dos Capelo, 3Fuciños, Aceites Abril, Conservas Peperetes, Airas Moniz, Galletas mariñeiras, Portomuíños, La Bulanxería, Arean Naiciñas e Valrhona).
A provincia da Coruña, forma parte da terceira parada deste periplo que finalizará nalgún lugar da provincia de Ourense o próximo mes de agosto.
Asistir a este evento non é tarefa fácil, pois as entradas se esgotan con rapidez. Só hai que estar moi atento ás súas redes sociais (@cenasecretas) para poder ser un dos afortunados en vivir esta exclusiva experiencia.
ONyVÁ! e Cervezas Alhambra convídante a vivir unha experiencia para gozar sen présa cos cinco sentidos na que o tempo se detén.
