Feirarrúa Soho Orzán

O plan para o sábado 3 de xuño na Coruña está en Feirarrúa.

Feirarrúa é comercio, é hostalería, é mercado, diversión e lecer.

Na rúa Orzán (zona peonil) e adxacentes (Cordelería, Picos, Mariñas), a praza Cormelana e na praza José Selier habitan as tentacións alternativas da cidade en hostalería e comercio.

O primeiro sábado de mes acompáñase dunha proposta de mercado na rúa. Nesta edición estrean como novidade a sección Galería. Consiste en agrupar aos artistas gráficos para pasear pola exposición e venda das súas creacións. Nos seus habituais postos de artesanía, feito a man e artes, atoparás propostas do máis diversas, moitas delas coa conciencia da reciclaxe, sustentabilidade e proximidade.