fbpx

El Kanka en Momentos Alhambra Acustiquísimos 2023

When:
25 Novembro, 2023 @ 9:30 p.m. – 11:30 p.m.
2023-11-25T21:30:00+01:00
2023-11-25T23:30:00+01:00
Where:
Patio de Cristal do San Francisco Hotel Monumento
Santiago de Compostela

Desde aqueles míticos ‘ Lo mal que estoy y lo poco que me quejo’ ou ‘Canela en rama’, El Kanka gañouse o agarimo e a confianza do público grazas á súa autenticidade e gran optimismo sobre as táboas. E é que os seus concertos consolídanse como auténticas festas da música en directo. Este outono, con seis discos no seu haber, El Kanka regresa a Momentos Alhambra Acustiquísimos acompañado pola súa inseparable guitarra para poñerlle o broche dourado á súa xira ‘Cosas de los vivientes’, na que será a última actuación do ano do músico malagueño. Publicado este 2023, ‘Cosas de los vivientes’ é o LP máis longo e completo do Kanka, unha colección de 14 cancións nas que o músico fala, cun son moi cru e orgánico, da amizade, a nostalxia, a morte, o amor, os proxectos de futuro e as sombras do pasado.

Momentos Alhambra Acustiquísimos

Do 18 de novembro ao 1 de decembro, Momentos Alhambra Acustiquísimos regresa a catro cidades galegas -Vigo, A Coruña, Santiago de Compostela e Lugo- da man de catro figuras imprescindibles da escena musical indie actual: Nena Daconte, Elefantes, El Kanka e Andrés Suárez.

Momentos Alhambra Acustiquísimos volve contar, un ano máis, co patrocinio de Cervexas Alhambra, dentro da súa aposta pola creación de experiencias musicais únicas pensadas para gozar sen présa e cos cinco sentidos. O ciclo reúne un ano máis a algunhas das voces máis queridas do momento e esta 2023 conta, ademais, cunha nova incorporación ao seu cartel: a gastronomía, que chega á sexta edición deste coidado encontro da man dalgúns dos chefs Alhambra máis recoñecidos de Galicia, que prepararán os seus persoais aperitivos para degustar en cada un dos concertos en vivo.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.